Өңірлік Полиция департаменті өзіндік қауіпсіздік басқармасының бастығы Ерген Төлемісовтің мәліметінше, кеше, 14 ақпанда екі полицей «Атырау-Доссор» бағытындағы автожолда ұсталды. Оларда тыйым салынған заттар болған. Екеуі де – облыстық Полиция департаментінің қызметкері.
«Аталған дерекке қатысты ҚР Қылмыстық кодексінің 297-бабының 3-бөлігімен сотқа дейінгі тергеу жүргізілуде. Өзге ақпарат ҚР Қылмыстық іс жүргізу кодексінің 201-бабына сәйкес жариялауға жатпайды», - деді Ерген Төлемісов.