Атырау облысы тұрғындарының 97 пайызы қазақ тілін біледі

None
АТЫРАУ. 9 наурыз. ҚазАқпарат - Бүгінгі күні Атырау облысында тұрғындардың 97 пайызы мемлекеттік тілді меғгерген, 92 пайыз орыс тілін, 6,7 пайыз - ағылшын тілін біледі, деп хабарлады облыстық әкімдіктің баспасөз қызметінің жетекшісі Қайрат Тарбаев.

«Қазіргі уақытта Атырау облысы қазақ тілін меңгеру дәрежесі бойынша республикада алғашқы орындардың бірінде. Аймақта 198 мектеп жұмыс істеуде. Олардың 138-і - қазақ, 5-і - орыс және 55 мектеп аралас тілдерде оқытады. Бірақ оған қарамастан, мектептердің барлық түлектері үшін оқуды бітірерде олардың мемлекеттік тілді меңгеруі үшін барлық жағдайлар жасалды», - деп ақпараттандырды Қ.Тарбаев.