Атырау облысының ауыл шаруашылығы саласының өкілдері 12,5 тонна картоп, көкөніс пен бақша өнімдерін, 10 тонна ет өнімдерін, 2,5 тонна сүт өнімдерін жеткізбек. «Карат» пен «Асыл агро» кәсіпорындары үш мыңға тарта консерві мен шұжық өнімдерін, «Алмалы құс» кәсіпорны 60 мың тауық жұмыртқасын саудаға қояды. Сондай-ақ, жәрмеңкеге балықтың 20 тоннасы әкелінеді деп күтілуде.
Балық өнімдерін атыраулық «Аманкелді» мен «Тілекші» кәсіпорындары, Құрманғазы ауданының «СевКАзКаспий» ЖШС, сондай-ақ, Исатай ауданының «Жамбыл» кәсіпорны ұсынады.
Дәстүр бойынша сауда алаңында облыстың шығармашылық ұжымдары концерттік бағдарламасын ұсынады.