Атырау облысында бірінші тоқсанда 7,1 млн. тонна мұнай өндірілді

АТЫРАУ. ҚазАқпарат - 2015 жылдың бірінші тоқсанында Атырау облысы Теңіз және Корольдік кен орындарын игеріп жатқан «Теңізшевройл» ЖШС 7,1 миллион тонна шикі мұнай немесе 56,7 млн. баррель мұнай өндірді, деп хабарлады компанияның баспасөз қызметінен.

«2015 жылы ТШО түрлі бағыт бойынша шикі мұнайды экспорттаған: Новороссийскіге Каспий құбыр консорциумы құбыры арқылы, темір жол арқылы Одесса, Тамань және Ақтауға тасымалдады. Ақтаудан қара алтын Батуми және Кулевиге жөнелтілді», - деп ақпараттандырды ТШО баспасөз қызметінен.

Еске сала кетейік, Теңіз және Корольдік кен орындарынан игеріліп жатқан мұнай қоры 750 млн-нан 1,1 млрд. тоннаға (6-9 млрд. баррель) дейін жетеді. Теңіз коллекторында барланған қор 3 млрд. тоннаны (26 млрд. баррель) құрайды.