Атырау облысында бұршақ жауды
18:27, 11 Маусым 2018
АТЫРАУ. ҚазАқпарат - Бүгін Атырау облысында бұршақ жауды, деп хабарлайды ҚазАқпарат тілшісі.
Исатай ауданының Атырау-Астрахан автожолының жағасында орналасқан Хамит Ерғалиев ауылында бұршақ жауды. Әлеуметтік желіде таралған видеодан бұршақтың диаметрі бір сантиметрге жететіні көрінеді.
«Табиғат құбылысынан зардап шеккендер немесе материалдық залал туралы ақпарат жоқ», - деп мәлімдеді өңірлік ТЖД өкілдері.