Облыстық төтенше жағдайлар департаментінің қоғаммен байланыс тобынан мәлім еткендей, жаөспірім 19 маусымға Жайық өзеніне батып кеткен.
«Маңғыстау облысының Бейнеу ауданында 2013 жылы дүниеге келген жасөспірім 19 маусым күні сағат 12:14 шамасында Жайық өзеніне суға кеткені анықталды. Ол өзеннің Индербор кенті тұсындағы шомылуға тыйым салынған жерінде суға түскен. Оны іздестіру кеше, 20 маусымда сағат 07:50-де басталып, түнгі сағат 00:20-ға дейін жалғасты. Бірақ іздестіру жұмыстары нәтиже берген жоқ», -деп хабарлады қоғаммен байланыс тобынан.
Жайық өзеніндегі іздестіруге жедел құтқару жасағынан 4 қызметкері қайықпен шықты. Іздестіру жұмыстары бүгін, 21 маусымда сағат 09:10-да қайта жалғасты.
Белгілі болғандай, жыл басынан бері 8 адам суға батып кеткен. Оның ішінде 2 бала бар. Мәселен, 22 қаңтарында 9 жасар бала Атырау қаласындағы «Перетаска» каналында мұз астына түсіп кетіп, шыға алмай қалған. Ал, 4 маусымда Жылыой ауданының Жем ауылдық округінде 2009 жылғы жасөспірім арнайы жабдықталмаған жерде шомылып, суға батқан.
Ал, 2020 жылы 17 адам, оның 4 бала суға шомылу қаза тапқан. Былтыр 28 адам суға түсіп, жантәсілім еткен. Оның ішінде 10 бала бар.
Еске сала кетелік, бұған дейін Атырау облысында жыл басынан бері 8 адам суға батып кеткенін хабарлаған едік.