Атырау облысында мұнайшылардың вахталық кентінде жатақхана өртенді
17:31, 09 Ақпан 2017
АТЫРАУ. ҚазАқпарат - Кұлсары қаласында мұнайшылардың вахталық кентінде жатақхана өртенуде. Видео Instagram-да zello_atyrau автомобиль қоғамдастығында пайда болды, деп хабарлады «ҚазАқпарат» ХАА тілшісі.
«Жалын Жылыой ауданы Құлсары қаласының 3-ші шағын ауданындағы вахталық кенттің екі қабатты жатақханасында тұтанды. Өрт алаңы 960 шаршы метрді құрайды. Оқиға орнына 3 бірлік техника, «Теңізшевройл» ЖШС жеке өрт сөндіру қызметінің жеке құрамынан 12 адам келді. Қазіргі уақытта өрт ауыздықталды. Өрттің себебі, шығыны жайлы ақпарат кейінірек болады», - деп хабарлады облыстың ТЖД баспасөз қызметінен.