Атырау облысының емханалары жоспарлы қабылдауды тоқтатты
Облыстық денсаулық сақтау басқармасының мәліметінше, 16 тамызда осындай шешім қабылданған.
«Өңірдегі тұрақсыз эпидемиологиялық жағдайға байланысты алғашқы медициналық-санитарлық көмек көрсететін емханалар, отбасылық-дәрігерлік амбулаториялар пациенттерді жоспарлы қабылдауды уақытша тоқтатты. Сырқаты бар адамдарды жоспарлы қабылдау – скринингтер, медициналық тексерулер, дәрігерлердің профилактикалық тексерулер. Енді тұрғындар тұрақты мекен-жайы бойынша емхананың тіркеу бөліміне хабарласып, медицина мамандарынан онлайн-форматта кеңес алуына болады», - деп хабарлады басқарманың баспасөз қызметі.
Дәрігерге шұғыл жүгіну шақыртуларын қабылдау жалғасуда. Емханалардағы егу пункттері демалыссыз жұмыс істей береді.
Еске сала кетелік, бұған дейін Атырау облысында екі тәулікте 1 078 адам коронавирус
жұқтырғанын хабарлаған болатынбыз.