ОРАЛ. ҚазАқпарат - «Бекіре-2017» жедел алдын алу шарасы барысында ҚР Ұлттық ұланы «Батыс» өңірлік қолбасшылығына қарасты 5546-әскери бөлімнің жауынгерлері, кіші сержант Нұрболат Мағал, сержант Дайыржан Ілиясов жол-патрульдік қызметі қызметкерлерімен бірге Дамба-Атырау жолы бойында 27 жасар тұрғын айдап келе жатқан Шевроле Aveo автокөлігін тоқтатты, деп хабарлайды «ҚазАқпарат» тілшісі.
«Батыс» өңірлік қолбасшылығының баспасөз қызметінен түскен мәліметке қарағанда, автокөліктен заңсыз ауланған 8 кг бекіре балығы табылып, тәркіленген.
Аталған дерек бойынша Д. деген азаматқа қатысты ҚР ҚК 196-бабына сәйкес тергеу амалдары жүргізілуде.
Айта кетейік, бекіре аса бағалы және ерекше қорғалатын балық түрі болып табылады. Ол әрі «Қызыл кітапқа» енгізілген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).