ОРАЛ. ҚазАқпарат – Батыс Қазақстан облысында Атырау тұрғыны жұмысқа орналастырамын деп 14 адамды алдап кеткен, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, қазіргі кезде ҚР ҚК 190-бабы 3-бабына (ірі мөлшерде жасалған алаяқтық) сәйкес сотқа дейінгі тергеу амалдары жүргізілуде.
Атыраулық 1993 жылғы әйел БҚО аумағында тұрғындарға жұмысқа орналастырамын деп уәде еткен. Сөйтіп олардың әрқайсысынан 50 мың теңгеден жымқырған. Осылайша 14 тұрғын не жұмыс жоқ, не ақша жоқ, жер сипап қалған. Олар полицияға жүгінгеннен кейін алаяқ қолға түсті.
Еске сала кетейік, бұдан бұрын БҚО-да баукеспе ұрының жәбірленушілерге 7 млн теңге залал келтіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).