Атырау туристері Анталиядан 15 сағатқа кешігіп ұшты
11:55, 07 Маусым 2017
АТЫРАУ.ҚазАқпарат - Атыраулық туристер Анталиядан үйлеріне 15 сағатқа кешігіп жетті, деп хабарлайды «ҚазАқпарат» ХАА тілшісі.
«Біз Анталиядан 6 маусым күні сағат 11-де ұшуымыз керек еді. Алайда бізге SCAT компаниясының чартерлік рейсі техникалық себептерге байланысты кешкі сағат 19.30-да ұшатындығын хабарлады. Кейін тағы уақыт қосылды, соның салдарынан біз Атырауға түнгі сағат бір жарымда жеттік. Қонақ үйлерден күндізгі 12 -де шығарылған адамдар сол аумақты паналады. Бізге ешқандай көңілге қонымды түсініктеме берілмеді. Тек кешірім сұрады», - деді өзін Анаргүл деп таныстырған туристердің бірі.