2017 жылдың қарашасында вокзал маңындағы «Арба» дәмханасында тамақтанып отырған 39 жастағы Ақтау қаласының тұрғыны И.Г.-ны еш себепсіз 1991 жылы туған сотталушы пышақтаған. Іс материалдарында анықталғандай, жалпы алғанда ол пышақпен денесінің әртүрлі бөлігіне 52 соққы жасаған. Алынған жарақат салдарынан жәбірленуші сол жерде көз жұмған.
«Тергеу барысында Т.-ның қылмысы әрекетке қабілетсіздігі салдарынан жасалғаны, өйткені ол «Дифференцияланбаған шизофрения» психикалық дертіне шалдыққаны анықталды. Сондықтан сот ҚК-тің 16 бабына сәйкес қоғамдық қауіпті іс-әрекетті ақыл-есі дұрыс емес жағдайда жасағандықтан сотталушы Т.-ны қылмыстық жауапкершіліктен босатты», делінген соттың таратқан хабарламасында.
Сондай-ақ, сот айыпталушы Т.-ға қатысты Алматы облысы Талғар ауданы Ақтас кентінде орналасқан «Жіті бақыланатын мамандандырылған үлгідегі республикалық психиатриялық ауруханасында» медициналық сипаттағы мәжбүрлеу шарасын қолдану туралы қаулы шығарды.