Атырауда құтқарушылар жаңа жыл түнінде жасөспірімнің саусағындағы сақинаны шешуге көмектесті
20:15, 01 Қаңтар 2022
АТЫРАУ. ҚазАқпарат – Атырауда құтқарушылар жаңа жыл түнінде жасөспірімнің саусағындағы сақинаны кесіп алып берді, деп хабарлайды ҚазАқпарат.
Облыстық төтенше жағдайлар департаменті баспасөз қызметінің мәліметінше, оқиға 1 қаңтарда түнде болған.
«Департаменттің диспетчерлік пультіне сағат 01:46-да жасөспірімнің саусағына сақина кептеліп қалғаны туралы ақпарат түсті. Ооблыстық балалар ауруханасының қабылдау бөлімшесіне 15 жастағы жасөспірім жүгінген. Құтқарушылар оның саусағындағы сақинаны арнайы құралмен кесіп алды. Жасөспірімнің денсаулығына зиян келген жоқ», -деп мәлім етті департаменттің баспасөз қызметінен.
Еске сала кетелік, бұдан бұрын Атырауда Аяз ата мен Ақша қар киіміндегі құтқарушылар балаларды құттықтаған еді.