Сенбі, 24 наурыз күні Атырау қаласының Көктем шағынауданында орналасқан жекеменшік тұрғын үйде өрт болды. Жалын 100 шаршы метр аумақты шарпыды. Оқиға орнында 3 жасар ұлдың және 11 жасар қыздың денелері табылды, 13 жастағы ер бала күйік жарақаттарымен ауруханаға жеткізілді.
Тілсіз жауды ауыздықтауға ҚР ТЖМ Атырау облысы бойынша ТЖД өртке қарсы қызметінің 24 адамы мен 4 техникасы жұмылдырылды.