Атырауда сынған термометрлерден төгілген сынап жинап алынды

АТЫРАУ. ҚазАқпарат – Атырауда сынған термометрлерден төгілген сынап жинап алынды, деп хабарлайды ҚазАқпарат.

Облыстық төтенше жағдайлар департаментінің баспасөз қызметінен мәлім еткендей, 13 қыркүйекте сағат 11:23-те «Ақбарыс» ЖШС-дан екі дана термометрдің (градусник)

сынғаны туралы хабар түскен.

«Атырау қаласындағы Абай көшесі, №2 «А» мекен-жайында орналасқан серіктестікке жедел-құтқару жасағының құтқарушылары жедел жіберілді. Олар сынған термометрлерден төгілген сынапты жинап, арнайы контейнерге салу жұмыстарын жүргізді», - деп хабарлады департаменттің баспасөз қызметі.

Еске сала кетелік, бұған дейін Атырау облысында балабақшаны улады деген жалған

ақпарат тарағанын хабарлаған болатынбыз.