«Сот отырысында анықталғандай, сотталушы 2017 жылдың қараша айында «Мерей» базарында өзіне таныс емес адамнан пластикалық ыдысқа салынған жалпы салмағы 2 келі болатын бекіре тұқымдас балықтың уылдырығын 120 000 теңгеге сатып алып, заңсыз сақтаған. Ол 2017 жылдың желтоқсан айында Ыстанбұл қаласына ұшып бара жатқан өзінің досы арқылы 4 пластикалық ыдысқа салынған уылдырықты беріп жібереді. Оны әуежайдағы полиция қызметкерлері тексеру барысында тауып алған. Ер адам сот үкімімен ҚР ҚК 339-бабы бойынша кінәлі деп танылып, оған 500 АЕК мөлшерінде, яғни 1 134 500 теңге айыппұл төлеу міндеттелді», - деп хабарлады облыстық соттың баспасөз қызметі.
18:40, 14 Ақпан 2018
Атырауда заңсыз уылдырық сатып алған ливандыққа 1,1 млн теңге айыппұл салынды
АТЫРАУ. ҚазАқпарат - Түркияға заңсыз сатып алған қара уылдырықты жібермек болған Ливан Республикасының азаматы Атырауда сот алдында жауап берді, деп хабарлайды «ҚазАқпарат» ХАА тілшісі.