Облыстық денсаулық сақтау басқармасының баспасөз қызметінен мәлім еткендей, ресейлік вакцинаның ІІ компонентіне арналған кезекті партия өңірдегі фармацевтикалық қоймадан егу бекеттеріне тасымалданып жатыр.
«Биылғы 1 ақпаннан бері Атырау облысына Спутник V, QazVac, Vero Cell, Hayat-Vax, Corona-Vac вакциналарының ІІ компонентіне арналған 239 600 доза сертификаттармен жеткізілді. Вакциналардың бұл компонентін 185 163 адам салдырды. Оның ішінде 12 905 педагог, 6 971 медицина қызметкері, 4 413 студент, құқық қорғау органдарының 2 884 өкілі, 2 481 мемлекеттік қызметші мен 869 полицей бар. Сондай-ақ, 136 741 жергілікті тұрғын мен созылмалы сырқаты бар 16 943 пациент, арнайы мекемелердің 956 қызметкері вакцинаның ІІ компонентін ектірді» -деп хабарлады басқарманың баспасөз қызметі.
Еске сала кетелік, бұған дейін Атырау облысында екі күнде 1 264 адам вакцина салдырғанын жазған болатынбыз.