Ауа райына байланысты республикалық жолдарда көлік қозғалысы шектелді

АСТАНА. KAZINFORM – ҚазАвтоЖол үш облыста жол жабылғанына байланысты шұғыл мәлімдеме жасады.

29 желтоқсан сағат 23:00-де Қызылорда облысында ауа райының бұзылуына байланысты «Самара-Шымкент» автожолының 1357-2055 шақырым аралығында (Арал қ.- Түркістан обл. шек.) автокөліктердің барлық түрінің қозғалысына шектеу қою жоспарланған.

2024 жылғы 30 желтоқсан сағат 08:00-де жолды ашу жоспарланып отыр.

Сонымен қатар сағат 23:00-де ауа райының бұзылуына байланысты келесі республикалық маңызы бар автожолдарда көліктің барлық түрінің қозғалысына шектеу қойылады:

Қызылорда облысы:

- «Қызылорда-Павлодар» автожолының 12-216 шақырым аралығындағы учаскесі (Қызылорда облысының шекарасынан Ұлытау облысының шекарасына дейін);

Түркістан облысы:

- «Самара-Шымкент» автожолының 2055-2095 шақырым аралығындағы учаскесі (Қызылорда облысының шекарасынан Түркістан қаласына дейін);

Ұлытау облысы:

- «Қызылорда-Павлодар» автожолының 216-424 шақырым аралығындағы учаскесі (Қызылорда облысының шекарасынан Жезқазған қаласына дейін).

Ауа райының бұзылуына байланысты үш облыста жол жабылғанын жазған болатынбыз.