Ауа райына байланысты 3 облыста ескерту жарияланды

НҰР-СҰЛТАН. ҚазАқпарат – «Қазгидромет» РМК Маңғыстау, Қызылорда және Солтүстік Қазақстан облыстарында ауа райына байланысты ескерту жариялады, деп хабарлайды ҚазАқпарат.

22 тамыз күні Маңғыстау облысынының кей жерлерінде 39градусқа дейін қатты ыстық болады.

Сол күні таңертең және күндіз Қызылорда облысындасолтүстіктен, солтүстік-шығыстан жел соғып, оның күші кей жерлерде 15-20 м/с-кедейін жетеді. Күндіз кей жерлерде шаңды дауыл соғуы мүмкін.

22 тамызда Солтүстік Қазақстан облысының кей жерлерінде найзағайойнап, дауыл соғады және бұршақ жауады. Түнде және таңертең кей жерлерге тұмантүседі. Солтүстік-шығыстан жел соғып, оның екпіні 15-20 м/с-ке жетеді.

Петропавл қаласында 22 тамызда найзағай ойнап, дауыл соғадыжәне бұршақ жаууы ықтимал. Түнде және таңертең тұман түседі. Солтүстік-шығыстанжел соғады, оның екпіні 15-20 м/с-ке жетеді.

Ескертудің ықтималдығы 90-95 %.