«Қадыров» шаруа қожалығы су ресурстарын тиімді пайдалану жолында ауданда алғаш болып егістікті дәстүрлі түрде суғарудан бас тартып, Батыс Еуропа елдері енгізген жаңа тәсілдің бірі – тамшылатып суару технологиясын алып келген.
Өткен жылы «Геркулес», «Геленджик» сұрпындағы пияз өсірумен айналысып, жақсы өнім алған кәсіпкер биыл бұл істен бас тартқан. Бұған көкөніс сақтайтын қойманың болмауы себеп. Орнына бақша дақылдарының бірі – қауын-қарбыз сепкен. Осылайша, фермер егіс даласын бос қалдырмаудың амалын табады.
Өңірлік кәсіпкерлер палатасы Қаратал аудандық филиалының директоры Фархат Құсайынов шаруа қожалығына арнайы барып, кәсіп иесі айтқан ұсыныстарды тыңдап қайтты. Әнуар Қадыров оған шаруалардың маңдай термен тапқан өнімдерін қыста сақтайтын көкөніс қоймасын салу қажеттігін айтты.