Әуе және темір жол көлігінде жолаушыларды тасымалдау жиілігін қамтамасыз ету бойынша шаралар анықталды - ҚР ККМ
«Эйр Астана» мен Скат әуекомпаниялары, Алматы және Астана әуежайлары басшыларының қатысуымен әуе және темір жол көлігінде жолаушыларды тасымалдау жиілігін қамтамасыз ету бойынша кеңес өткізді, деп хабарлады ведомствоның баспасөз қызметінен.
Кеңесті ашқан министр кеше Елбасының төрағалығымен Президент Әкімшілігі, Үкімет, «Нұр Отан» партиясы қызметкерлерінің қатысуымен кеңес өткендігін еске салды. Алдағы жаңажылдық мерекелер және Мәжіліске сайлау бойынша электоралды кезеңге байланысты Президент әр министр осы кезеңде өз саласындағы жағдай мен жұмысқа жеке жауапты екендігін атап өтті, сондай-ақ, әуе рейстері мен пойыздардың кешігуіне Көлік және коммуникация министрі жауап беретінін нақты атады.
Кеңесте жолаушылар тасымалы және жолаушылар пойызының кешігуі туралы ақпарат тыңдалды. Сонымен қатар, еліміздің әуекомпаниялары мен әуежайлары ұшудың жиілігін қамтамасыз ету бойынша жүйелі жұмыстар атқаруда екендігі атап өтілді.
Сәйкес ведомстволардың басшыларын тыңдап болған соң, министр Б. Камалиев көліктің барлық түріне үздіксіз жұмысты қамтамасыз ету керектігін атап, әр шаруашылық жүргізуші субьектілер алдына нақты міндеттер қойды. Осылайша, әуежайлар мен вокзалдар, әуе және темір жол компанияларының бірінші басшылары тасымалдаудың жиілігіне жеке жауап береді. Әр кәсіпорын компанияның басшылары арасынан жауапты тұлғаларды анықтау қажет. Осы тұлғалардың байланыс мәліметтерін енгізіп, кезекшілік кестесін құру және азаматтық авиация мен қатынас жолдары комитеттеріне ұсыну қажет. Барлық ведомствоға қарасты кәсіпорындардың жұмыскерлеріне жалақыны толық қамтамасыз ету тапсырылды. Келеңсіз жағдайларда оперативті түрде Министрліктің штабына хабарлау қажет.
Сонымен қатар, Б.Камалиев Көкшетау және Петропавл қалаларындағы әуежайларда еңбек ақысы бойынша қарыздарды уақытылы өтеу мәселесін тыңдады. Кеңестің қорытындысы бойынша министр хаттамалық тапсырмалар берді.