Бұл туралы Комиссия басшылығына сілтеме жасап британдық The Times газеті хабарлаған. Егер жаңа мәліметтерді Тәуелсіз сайлау комиссиясы ресми қуаттайтын болса, Ауғанстанда президенттік сайлаудың екінші кезеңі өтеді, деп хабарлайды «Маяк» радиосы.
Дауыстар қайта саналғанға дейін, Тәуелсіз сайлау комиссиясының мәліметтері бойынша, Хамид Карзай сайлау учаскелеріне келген электораттың 54,6 пайызының дауысын алған болатын.
Екінші орында - 27,8 пайыз дауыспен елдің бұрынғы сыртқы істер министрі Абдулла Абдулла келеді. Бірақ Шағым-арыздар жөніндегі комиссияның жұмысынан кейін 3 377 учаскеде Карзай алған дауыстар қысқарып, ол жинаған дауыстардың саны 50 пайыздан төмендеп кетті. Бұл көрсеткіш Карзайға бірінші турда жеңіске жетуге мүмкіндік бермейді.