АСТАНА. 29 тамыз. ҚазАқпарат - Ауғанстан билігінің хабарлауынша, тәлібтер полиция шолғыншыларына тосқауылдан шабуылдап, 15 полицейді мерт қылды. ВВС-дің жазуынша, оқиға Фарах провинциясында болды.
Елдің негізгі қалаларын, яғни Кабулды, Қандағар, Герат және Мазари-Шарифті байланыстыратын бұл жолда көтерілісшілердің шабуылы жиі орын алады, сондай-ақ адамдарды ұрлау мен тонау секілді әрекеттерге жол берілуде.
Тәлібтер Ауғанстанды 1996 жылдан 2001 жылға дейін қадағалады. Олар Хамид Карзай үкіметін орнынан түсіруге және шетелдік әскерлі елден шығаруға тырысуда.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.