Ауғанстанда терактіден 10 адам қаза болды
19:13, 23 Қараша 2018
КАБУЛ. ҚазАқпарат - Ауғанстан шығысында орналасқан мешітте жанкешті жарылғыш затты іске қосты, деп хабарлайды «ҚазАқпарат» ХАА «Анадолы» агенттігіне сілтеме жасап.
Хост провинциясындағы теракт салдарынан 10 әскери адам қаза тауып, тағы 15-і жараланған.
Хост губернаторы әкімшілігінің баспасөз хатшысы Талеб Мангалдың айтуынша, жанкешті Ауғанстан армиясының 1-бригадасы қолбасшылығының аумағындағы мешітте өзін жарып жіберген.
Жараланғандардың кейбірінің жағдайы ауыр. Теракт үшін жауапкершілікті ешбір ұйым әзірге өз мойнына алмады.