АСТАНА. 2 желтоқсан. ҚазАқпарат - Ауғанстанның орталығындағы Вардак провинциясында жарылыстың салдарынан ауғанның төрт полиция қызметкері қаза болып, 17-сі жарақат алды.
Бұл оқиғаға «Талибан» қозғалысы жауапкершілікті алып отыр.
Аталған жарылысты жанкешті орындаған көрінеді. Ол жарылғыш зат қойылған көлікпен полиция басқармасының ғимаратына соғылған. Зардап шеккен төрт полицей қазіргі кезде ауыр халде жатыр
17 қарашада тәлібтер Ауғанстан астанасы Кабулдағы шабуылға жауапкершілікті өздерінің мойнына алды. Осының салдарынан 10 адамның өмірі қиылып, тағы 20 адам жарақат алды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.