Ауыл баласы мен қала баласының білім алу мүмкіндігі бірдей болуы керек – Тоқаев

АСТАНА. KAZINFORM – Ауыл баласы мен қала баласының білім алу мүмкіндігі де бірдей болуы керек. Бұл туралы елордада өтіп жатқан ұстаздардың республикалық тамыз конференциясында Мемлекет басшысы Қасым-Жомарт Тоқаев айтты. 

– Кейінгі төрт жылда 4 мыңнан астам ауыл мектебінің материалдық-техникалық қоры жаңғыртылды. Оның басым көпшілігі – ауыл мектептері. Ауылдағы білім ошақтарына күрделі жөндеу жүргізіліп, жаңадан кітапханалар, асханалар мен спорт залдары салынып жатыр. Бұл жұмыс алдағы уақытта да жалғасын табады. Баланың бәрі – бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы, - деді Қасым-Жомарт Тоқаев.

Мемлекет басшысының пайымынша, мұғалімдер мемлекеттік маңызы бар жұмысты атқарып жатыр. 

Дегенмен ұстаздың назары бала оқыту ісінде болуға тиіс.