Катар астанасы Дохада ауыр атлетикадан Гран-при турнирі өтіп жатыр. Оған Қазақстан құрамасы да қатысуда. Kazinform агенттігі бұл туралы Оlympic.kz порталына сілтеме жасап хабарлайды.
Жастар арасындағы әлем чемпионы Ақмолда Сайрамкез жарысты төртінші орынмен аяқтады.
67 келіге дейінгі салмақтағы алтын медальді Солтүстік Корея спортшысы иеленсе, күмісті Болгария, қоланы Түркменстан атлеті еншіледі.
Қазақтандық зілтерімші барлық алты мүмкіндігін де сәтті орындады. Қоссайыс қорытындысы бойынша Ақмолда 294 келіні бағындырған.
Турнирге Рио Олимпиадасының жүлдегері Денис Уланов та қатысады.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.