ОРАЛ. KAZINFORM – Қазақстанның жұптық сындағы бірінші, әлемнің 44-ракеткасы Александр Недовесов Аустралия ашық чемпионатының екінші айналымына шыға алмады.
Қазақстандық теннисші эквадорлық Гонсало Эскобармен бірге алғашқы айналымда португалиялық Нуну Боргес – аустралиялық Александр Вукичпен кездесті.
Бірінші партияда португалиялық-аустралиялық дуэт 6:3 есебімен басым түсті.
Екінші сетте тай-брейкте Недовесов – Эскобар қарымта қайырды – 7:6 (7:4). Бірақ шешуші партияда Н.Боргес пен А.Вукич жеңісті жұлып алды – 7:6 (10:7)
Екі сағат 18 минутқа созылған бәсеке барысында қазақстандық-эквадорлық жұп 2 эйс, 1 брейкпен (2 брейк-пойнт) шектелсе, қарсыластары 6 эйс, 2 брейкпен (6 брейк-пойнт) көзге түсті.
Осылайша, Александр Недовесов жарыс жолынан шығып қалды.
Еске сала кетейік, бұдан бұрын қазақстандық теннисшінің Испанияда негізгі жарысқа жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).