АСТАНА. KAZINFORM – Әмір Омарханов жасөспірімдер арасында Аустралия ашық чемпионатының екінші айналымына жолдама алды.
Жасөспірімдер арасында ITF рейтингісінде төртінші орында тұрған қазақстандық теннисші бастапқы кездесуін әлемнің 45-ракеткасы, америкалық Матис Фарзаммен өткізді.
Екі сет те тартысты өтіп, Әмірдің пайдасына аяқталды – 7:6 (7:3), 7:6 (10:8).
Матч 2 сағат 5 минутқа созылды.
Аустралия ашық біріншілігінде өткен жылы ширек финалға дейін жеткен Әмір Омархановтың келесі қарсыласы кейін анықталады.
Кеше Заңғар Нұрланұлы алғашқы ойынында жеңіске жетіп, екінші айналымға шыққан еді. Ол 1/16 финалда болгариялық Александр Васильевпен ойнайды.
Еске сала кетейік, бұдан бұрын Аустралия ашық чемпионатында Елена Рыбакинаның төртінші айналымға шыққанын жазған болатынбыз.
Сондай-ақ Заңғар Нұрланұлы «Үлкен дулыға» турнирінде алғашқы жеңіске қол жеткізді.
Сандуғаш Кенжебаева екінші рет Түркиядағы жарыстың чемпионы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).