18:29, 25 Қаңтар 2014

Australian Open: әйелдер арасында Ли На чемпион атанды

ОРАЛ. 25 қаңтар. ҚазАқпарат - Бүгін әйелдер арасында Австралия ашық чемпионатының финалдық бәсекесі мәреге жетті.

Соңғы сында әлемнің төртінші ракеткасы, қытай қызы Ли На словакиялық Доминика Цибулковадан екі партияда басым түсті. Тартысты өткен бірінші партия 7:6 есебімен аяқталса, екіншісінде Ли На бірде-бір геймді берген жоқ (6:0). Сөйтіп қытай теннисшісі алғаш рет Австралия біріншілігінің жеңімпазы атанды. Бұған дейін ол 2011 және 2013 жылдары екі рет финалға дейін жеткен болатын. Бұдан бұрын Ли На 2011 жылы Ролан Гарросты ұтып алған еді. Ол - қытай қыздары арасында осындай табыстарға қол жеткізген тұңғыш теннисші.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).