АСТАНА. KAZINFORM – Аустралия ашық чемпионатында жекелей сында әйелдер арасында жеңімпаз анықталды.
Финалда әлемнің 2-ракеткасы, Беларусь өкілі Арина Соболенко дүниежүзілік рейтингіде 15-орында тұрған қытайлық Чжэн Циньвэньмен бас жүлдені сарапқа салды.
Бірінші партияда белоруссиялық теннисші 6:3 есебімен басым түсті.
Екінші сетте матчқа доп бергенде, мүмкіндігін жіберген жоқ – 6:2.
Бір сағаттан астам уақытқа созылған бәсеке барысында ол 3 эйс жасап, 6 брейк-пойнттың тең жартысын пайдаланды. Қарсыласы 6 эйспен ғана көзге түсті.
Осылайша, А.Соболенко екінші жыл қатарынан Аустралия біріншілігінде үздік шығып отыр. Ол өткен жылы соңғы ойында қазақстандық Елена Рыбакинаны жеңіп кеткен еді.
Еске сала кетейік, бұдан бұрын Аустралия чемпионатында ерлер арасында екінші финалист белгілі болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).