АСТАНА. KAZINFORM – Теннистен Аустралия ашық чемпионатының іріктеу сайыстарына Қазақстаннан үш теннисші қатысады.
Жылдың бастапқы «Үлкен дулыға» турниріне жолдама алу үшін Михаил Кукушкин, Тимофей Скатов және Дмитрий Попко сынға түседі.
Әлемнің 113-ракеткасы М.Кукушкин іріктеу сайыстарының ширек финалында рейтингіде 229-орында тұрған эстониялық Марк Лаялмен шеберлік байқасады.
Әлемнің 191-ракеткасы Тимофей Скатов рейтингіде 447-сатыдағы хорватиялық Борна Гойодан өтуге тырысады.
Рейтингіде 181-орындағы Дмитрий Попконың бірінші қарсыласы – әлемнің 170-ракеткасы, Гонконг өкілі Коулман Вон.
Іріктеу бәсекесі 6 қаңтар күні басталып, 9-ында мәресіне жетеді.
Қазақстаннан алғашқы болып кортқа М.Кукушкин шығады.
Еске сала кетейік, бұдан бұрын Қазақстан құрамасының United Cup турнирінің финалынан тыс қалғанын жазған болатынбыз.
Сондай-ақ Александр Бублик жаңа маусымды Аделаида турнирінен бастайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).