АСТАНА. ҚазАқпарат – Қазақстандықтар Тимофей Скатов пен Михаил Кукушкин Аустралия ашық чемпионаты іріктеу сайыстарында жеңіліс тапты, деп хабарлайды ҚазАқпарат тілшісі.
Әлемнің 144-ракеткасы Т.Скатов іріктеу сайыстарының жартылай финалында дүниежүзілік рейтингте 155-орында тұрған чилилік Николас Харримен кездесті.
Тартысты өткен матчта Тимофей бірінші таймда 6:4 есебімен басым түскенімен, сол қарқынын жалғастыра алмады – 5:7, 1:6.
Рейтингте 195-орындағы М.Кукушкин үш сағатқа жуық уақытқа созылған бәсекеде әлемнің 138-ракеткасы, жапониялық Йосуке Ватанукиге 6:4, 6:7(3:7), 3:6 есебімен жол берді.
Осылайша, Т.Скатов та, М.Кукушкин де іріктеу сайыстарының финалына шыға алмай, жарыс жолынан шығып қалды.
Еске сала кетейік, бұдан бұрын қазақстандық теннисшілердің Australian Open турнирінде өнер көрсететінін жазған болатынбыз.
Сондай-ақ Елена Рыбакина жұптық сында Аделаида турнирінің жартылай финалына өтті.
Фото: ktf.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).