АСТАНА. KAZINFORM – Қазақстандық Әмір Омарханов жасөспірімдер арасында Аустралия ашық чемпионатының екінші айналымына шықты.
Қазақстандық теннисші бірінші айналымда жасөспірімдер арасында әлемнің төртінші, жарыстың бірінші ракеткасы, ATP рейтингісінде 1872-орында тұрған италиялық Федерико Синамен шеберлік байқасты.
Бірінші партияда италиялық спортшы бірде-бір гейм берген жоқ – 6:0.
Есесіне осыдан кейін Әмір қарымта қайтара алды – 6:3, 6:3.
Тартысты бәсеке бір сағат 37 минутқа созылды.
Әмір Омарханов екінші айналымда ұлыбританиялық Виктор Фридрихпен кездеседі.
Еске сала кетейік, бұдан бұрын қазақстандық теннисшінің Аргентинадағы жарыстың жартылай финалына жолдама алғанын жазған болатынбыз.
Сондай-ақ Денис Евсеев Испаниядағы турнирдің жартылай финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).