Аймақтағы теңіз бетінің температурасы Эль-Ниньо шегінен асып түсті және барлық атмосфералық көрсеткіш бұл құбылысқа сәйкес келді.
Ведомство Эль-Ниньо 2026 жылдың екінші жартысында күшейіп, соңғы жеті онжылдықтағы ең күшті құбылыстардың біріне айналуы мүмкін екенін ескертеді.
- Ауа райының күшеюінен Америкада шамадан тыс жауын-шашын болып, Азияға ыстық, құрғақ ауа райын әкеледі. Онда дақылдар қазірдің өзінде зақымдалған, бұл әлемдегі ең көп халқы бар аймақта азық-түлікпен қамтамасыз етуге қатысты алаңдаушылық тудырады, - делінген Метеорологиялық бюро мәлімдемесінде.
Метеорологтардың айтуынша, климаттық модельдердің шамамен жартысы қазіргі оқиға 1950 жылдан бергі ең күшті эпизодтардың бірі болуы мүмкін деп болжайды.
Орталық және шығыс Тынық мұхитындағы беткі сулардың қалыптан тыс жылынуымен сипатталатын Эль-Ниньо Аустралия климатына айтарлықтай әсер етеді. Сарапшылар бұл қыс пен көктемде, әсіресе елдің шығысында жауын-шашынның азаюына әкелетінін және оңтүстікте күндізгі температураның жоғарылауына ықпал ететінін атап өтті.
Бұл ауа райы құбылысы әсіресе Аустралия үшін қауіпті. Себебі ол әлемдегі бидай, қант және сиыр етін экспорттайтын ең ірі елдердің бірі.
Деректер соңғы 70 жылда елде қатты ыстық толқындарының жиілігі біртіндеп артқанын көрсетеді.
Елдің көп бөлігінде орман өрті маусымы ұзарды. Ал Аустралия айналасындағы мұхиттар алдыңғы онжылдықтарға қарағанда тезірек жылынып келеді. Елде 2023-2024 жылдары байқалған соңғы Эль-Ниньо оқиғасы тарихтағы ең құрғақ үш айлық кезеңге әкелді.
Естеріңізге сала кетейік, осы айдың басында БҰҰ алдағы апталарда Эль-Ниньо күшейетінін ескерткен болатын.