ОРАЛ. ҚазАқпарат - Теректі ауданында өткен БҚО ауыл жасөспірімдерінің ІІ жазғы ойындарының қорытындысы бойынша жалпыкомандалық есепте Бөрлі ауданы жеңімпаз атанды.
Облыстық дене шынықтыру және спорт басқармасынан түскен мәліметке қарағанда, Ақжайық ауданы екінші, теректіліктер үшінші орынды иеленді. Жекелеген спорт түрлері бойынша волейболдан ұлдардан Ақжайық, қыздардан Бөрлі ауданы командасы озық шықты. Асық ату, қазақ күресі, тоғызқұмалақ және президенттік көпсайыстан бөрліліктер алдына жан салған жоқ. Үстел теннисінен ақжайықтықтар үздік өнер көрсетсе, таэквондодан зеленовтықтар жеңіс тұғырына көтерілді. Шағын футболдан теректілер қарсылас шақ келтірмесе, еркін күрестен Ақжайық палуандарының мерейі үстем болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).