АСТАНА. ҚазАқпарат - Қазақстандық Артем Антропов ауыр атлетикадан Азия чемпионатында қола жүлдегер атанды, деп хабарлайды ҚазАқпарат тілшісі.
Құрлықтық дода бүгінгі күндері Бахрейн астанасы - Манама қаласында өткізілуде.
Азия чемпионатында 96 келі салмақта сынға түскен Артем Антропов қоссайыстың нәтижесінде 377 (158 219) келіні бағындырды. Нәтижесінде үшінші орынға тұрақтады.
Аталған салмақта бахрейндік Лесман Паредес қоссайыста 397 (182 215) келі нәтиже бойынша алтын алса, 383 (177 206) келі салмақпен Тайбэйден келген Чэнь По-Дженге күміс бұйырды.
Еске салсақ, бұдан бұрын ел құрамасынан Зульфия Чиншанло мен Асылжан Бектай чемпион атанды.
Ал Арли Чонтей мен Арай Нұрлыбекова күміс, Айша Омарова қола жүлде алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.