НҰР-СҰЛТАН. ҚазАқпарат - Қазақстандық спортшы Рахат Бекболат жасөспірімдер арасындағы әлем чемпионатында алтын алды, деп хабарлайды ҚазАқпарат тілшісі.
Дүбірлі дода Сауд Арабиясының Джидда қаласында 3 және 12 қазан аралығында өткізілуде. Қазақстандық ауыр атлет 102 келі салмақта сынға түсті.
Қоссайыстың қорытындысында Рахат 355 келіні бағындырды. (155 200) Одан кейінгі орындарға түркиялық Танер Чаглар (152 185) мен ирактық Аммар Рубайави Али (149 185 қол жеткізді.
Рахат Бекболат 2004 жылы 14 қаңтарда Қызылорда қаласында дүниеге келген. Қазақ гуманитарлық заң жəне техникалық колледжінің студенті. Ауыр атлетикадан ҚР спорт шебері. Жастар арасында ҚР құрама команда мүшесі.
Айта кетейік, ол 2019 жылы Солтүстік Кореяның Пхеньян қаласында жəне Ташкентте өткен өткен Азия, Лас-Вегастағы әлем чемпионаттарында алтын медальдарды иеленген болатын. Ол 16 жасында Əлем рекордын орнатып, Азияның «үздік спортшысы» номинациясының иегері атанған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.