400 метрлік дуал Австрияның Тироль аймағын италиялық Оңтүстік Тироль провинциясынан бөліп отырған Альпі тауларындағы Бреннер асуында салынуы мүмкін.
Томактың айтуынша, дуалдың салыну-салынбауы Италияның Австриямен арасындағы келісімге байланысты болып отыр. Биік қабырға елге келетін мигранттар ағынын ұстап тұруға көмектесуі тиіс. Бұл - Австрияның елде шекаралық бақылауды енгізуге жасаған қадамы. Сонымен қатар, Австрия шекарадан өтетін жеке көліктерді, жүк көліктері мен пойыздарды тексеруді қолға алмақ.
Италия саясаткері Маттео Ренци Бреннерді жабу ЕО-ның ішкі ережелерін бұзу деп мәлімдеді. Оның айтуынша, бұл шешім біріккен Еуропаның болашағына қауіп төндіреді.
Италия үшін шекаралық бақылаудың енгізілуі күрделі соққы болмақ, себебі бұл - Альпіде көліктер ең көп жүретін жол. Италия ол арқылы өзінің негізгі сауда серіктесі Германиямен қатынасып отыр.