Автобус жарға құлап кетті: 8 адам қаза тауып, 31-і зардап шекті
11:16, 05 Тамыз 2017
АСТАНА. ҚазАқпарат - Боливиялық Кочабамба қаласынан көрші Санта-Крус департаментіне бет алған автобус жардан құлап кетіп, 8 адам қаза тапты, 31-і зардап шекті.
Кочабамба департаменті полициясының басшысы Роналд Санчес автобус тереңдігі 150 метр жыраға түсіп кеткенін мәлім етті, деп хабарлады ТАСС. Апатқа техникалық ақау себеп болуы мүмкін.