«Сарапшылар мен жұртшылықты тарта отырып, автокөлік құралдары мен ауыл шаруашылығы техникасын өндіру жөніндегі отандық зауыттарды оқшаулаудың сақталуы тұрғысынан тексеруді жүргізу» тапсырмасы да бақылауда. Біз Алматы, Қостанай және Оралда 3 зауытты араладық. Мемлекет басшысының тапсырмасын сапалы орындау мақсатында жұмыс комиссиясын құрдық. Оның құрамына мемлекеттік органдар, Парламент Сенаты мен Мәжілісінің, қоғамдық бірлестіктердің, бұқаралық ақпарат өкілдері, сондай-ақ блогерлер кірді. Көшпелі тексерулерді ақпан айының соңына дейін аяқтайтын боламыз. Автоөндірушілердің алаңдарында ашық есік күндерін өткізуді қосымша жоспарлап отырмыз», - деді Қайырбек Өскенбаев.
Оның атап өтуінше, отандық кәсіпорындарды жергіліктендіруді ұлғайту мақсатында автокомпоненттерді өндіру бойынша қадамдық іс-қимыл жоспары әзірленді.
«Сондай-ақ кейіннен бірлескен өндіріс құру және инвестициялар тарту үшін сертификатталған өнім берушілерді тарту мәселесін пысықтаудамыз. Жүргізілген жұмыстың қорытындысы бойынша ақпарат Үкіметке осы жылғы мамыр айына дейін енгізілетін болады», - деді министр.