АСТАНА. ҚазАқпарат - Астанада өтіп жатқан қазақ күресінен әлем чемпионатына «Әлем барысы» Айбек Нұғымаров қатыспайтын болды, деп хабарлайды ҚазАқпарат тілшісі.
Осыған дейін хабарлағанымыздай, Айбек Нұғымаров аса ауыр салмақта ел намысын қорғайды делінген. Алайда бапкерлер кеңесі ақылдаса келіп, оның орынына Руслан Әбдіразақовты шығаруды жөн санапты.
Бұл жағдайға байланысты Айбек Нұғымаров өз пікірін білдірді.
«Мен бұл біріншілікке қатыспайтын болдым. Жастарға да орын беру керек қой. Жақында «Әлем барысы», жабық Азиада ойындарының жеңімпазы атандым. Менің орыныма Руслан бауырым белдеседі. Ол да тәжірибелі балуан ел намысын қолдан бермейді деп үміттемін», - деді ол.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.