Айдос Хамиев Түпқараған ауданының әкімі болды

АҚТАУ. ҚазАқпарат - Маңғыстау облысының әкімі Ералы Тоғжанов Түпқараған ауданының әкімін таныстырды. Аталмыш лауазымға Айдос Хамиев тағайындалды, деп хабарлайды ҚазАқпарат Маңғыстау облысы әкімдігінің баспасөз қызметіе сілтеме жасап.

Айдос Хамиев 1985 жылы Маңғыстау облысы Ақтау қаласында туған. Білімі жоғары.

Алғашқы еңбек жолын 2005 жылы «Бисентин» ЖШС-інде құрылыс шебері болып бастады. Маңғыстау облысы мемлекеттік сәулет-құрылысын бақылау басқармасының бас маманы, кейіннен басшысы қызметтерін атқарды.

ҚР Құрылыс және коммуналды тұрғын-үй шаруашылығы істері жөніндегі агенттігінің Астана қаласы бойынша департаментінің лицензиялау басқармасының басшысы. 2013-2015 жылдары Көкшетау қаласындағы ҚР Аймақтық даму министрлігінің құрылыс және тұрғын үй-коммуналдық шаруашылығы істері комитетінің Ақмола облысы бойынша мемлекеттік сәулет-құрылысын бақылау және лицензиялау департаментінің басшысы. 2015 жылдан осы уақытқа дейін Ақмола облысы Зеренді ауданы әкімінің орынбасары қызметін атқарды. 2017 жылдың тамыз айында Маңғыстау облысының құрылыс басқармасының басшысы болып тағайындалған.