НҰР-СҰЛТАН. ҚазАқпарат - Сербия астанасы Белград қаласында өтіп жатқан күрес түрлерінен әлем чемпионатында грек-рим күресінен қола медаль алған Айдос Сұлтанғали алған жүлдесіне байланысты пікір білдірді, деп хабарлайды ҚазАқпарат тілшісі.
Еске салсақ, ол 3-орын үшін сайыста венгриялық Кристиан Кечкеметиді 7:1 есебімен жеңді.
«Күресті енді бастаған жылдарда әлемдік додаларда жүлде алуды алдыма мақсат етіп қойдым. Әзірге қола медальға қанағат етеміз. Алдыма қойған межем - чемпион атану. Енді алтын медаль үшін тынбай тер төгемін», - деді ол журналистерге берген сұхбатында.
Айдос Сұлтанғали 1996 жылы 7 ақпанда Қызылорда қаласында дүниеге келген.
Бұған дейін 2018 жылы Мажарстан астанасы Будапешт қаласында өткен әлем чемпионатында да қола жүлде алған еді.
Айдос Сұлтанғалидің қола жүлдесінен кейін ел құрамасы медальдар кестесінде 13-орынға жайғасты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.