АСТАНА. ҚазАқпарат - Қазақстандық кәсіпқой боксшы Айдын Елжановтың (6-1-1, 4 КО) келесі жекпе-жегі өтетін күн белгілі болды, деп хабарлайды ҚазАқпарат Sports.kz сайтына сілтеме жасап.
Елжановтың рингке қайта оралуы 22 шілдеге белгіленді. Кездесу АҚШ-тың Калифорния штатындағы Лонг-Бич қаласында өтеді. Қарсыластың есімі әзірше жарияланбайды.
Осының алдындағы жекпе-жегін де Айдын Лонг-Бичте өткізген болатын. Ол жолы төрешілердің шешімімен қарсыласы Хуан Эрнандес Мартинес (2-2-2) екеуі тең түсті деп танылған.
Осы жекпе-жегінің алдындағы кездесуі ақпан айында өтті. Ол Қостанай тумасының АҚШ-тағы алғашқы әрі бес жылдық үзілістен кейінгі жекпе-жегі еді.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.