Әйелдер күресі: Азия чемпионатында 4 cпортшымыз жұбаныш белдесуіне қатысады

АСТАНА. KAZINFORM - Қырғызстан астанасы Бішкек қаласында өтіп жатқан әйелдер күресінен Азия чемпионатында қазақстандық төрт спортшы жұбаныш белдесуіне қатысады.

Құрлықтық додада Зульфия Яхьярова (53 келі) жұбаныш белдесуінде қырғызстандық Арууке Кадырбек кызымен кездессе, Диана Каюмова (59 келі) үндістандық Ядав Пушпамен шеберлік байқасады.

Ал, Альбина Қайыргелдинова (68 келі) тағы бір қазақстандық Гүлнұр Таштанбековамен, Эльмира Сыздыкова (76 келі) үндістандық Прия Приямен бәсекеге түседі. 

Құрлықтық додада 13-14 сәуір күндері әйелдер, 15-16 сәуірде грек-рим шеберлері боз кілемге шығады.

Құрлықтық додада еркін күрес, грек-рим және әйелдер күресінен барлығы 30 медаль жиынтығы сарапқа салынады.