17:29, 06 Сәуір 2009

Аймақтың агрөнеркәсіп саласымен танысу мақсатында Мәжіліс депутаттары Батыс Қазақстанға келді

ОРАЛ. Сәуірдің 6-сы. ҚазАқпарат /Ғайсағали Ералы/ - Елбасы Жолдауын насихаттау және облыс агрөнеркәсіп саласымен танысу мақсатында Мәжіліс депутаттары Иван Чиркалин, Елена Тарасенко, Шавхат Өтемісов Батыс Қазақстанға келді,

деп хабарлайды ҚазАқпарат тілшісі. Бүгін «Нұр Отан» ХДП облыстық филиалында облыс әкімі Бақтықожа Ізмұхамбетов Парламент депутаттарымен кездесіп, осы саладағы атқарылып жатқан жұмыстар жөнінде баяндап берді. Бұдан кейін И.Чиркалин мен Е.Тарасенко облыстық ауыл шаруашылығы басқармасында сала қызметкерлерімен кездесті. Онда Парламент Мәжілісінің аграрлық мәселелер бойынша комитетінің хатшысы Иван Чиркалин ауыл шаруашылығына қатысты түйткілді мәселелерге тоқталып, агроөнеркәсіп саласына қатысты қабылданған жаңа заңдар туралы айтып өтті. Жүздесу барысында қойылған сұрақтарға жауап беріліп, кейбір мәселелер Парламентте талқылану үшін жергілікті жерден ұсыныс жолдаудың маңызды екені де айтылды. Парламенттік топ мүшелері бірнеше күн бойы Зеленов, Сырым, Теректі, Бөрлі аудандары мен Орал қаласында болып, ауыл шаруашылығы нысандарының жай-күйімен таныспақшы.
Ауыл шаруашылығы Жолдау Парламент
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).