Айзада Мүптілдә ауыр атлетикадан құрлықтық біріншілікте үздік үштікке енді
19:39, 25 Сәуір 2021
ТАШКЕНТ.ҚазАқпарат - Қазақстандық ауыр атлет Айзада Мүптілдә Азия чемпионатының қола жүлдегері атанды, деп хабарлайды ҚазАқпарат Olympic.kz-ке сілтеме жасап.
Бүгін Ташкентте ауыр атлетикадан Азия чемпионатының соңғы жарыс күні өтіп жатыр. Әйелдер арасында 87 келіден жоғары салмақ дәрежесінде қазақстандық Айзада Мүптілдә қатысты. Қоссайыс нәтижесінде ол 269 (118+151) келіні бағындырып, қолаға қол жеткізді.