«Жаңа жыл мерекесі қарсаңында тамақтан уланудан сақтанып, алдын алуды сұраймын. Айтарым, рұқсат етілмеген сауда орындардан азық-түлік және тамақ өнімдерін сатып алмаңыз, дайын тағамды ұзақ сақтамаңыз. Азық-түлік және тағам өнімдерінің жарамдылық мерзіміне аса мән берген жөн. Азық-түлік пен дайын тағамдарды полиэтилен, қағаз пакет пен азық-түлік контейнерлерінде сақтаған дұрыс. Тағам дайындаудың температуралық режиміне мән беріңіз, әсіресе, ет, балық, теңіз өнімдері мен жұмыртқаны пайдаланғанда», - деп кеңес берді Айжан Есмағамбетова ОКҚ-де өткен брифингіде.
Сондай-ақ вице-министр жеке гигиена қауіпсіздігін ұмытпау керектігін еске салды.
Бұған дейін министр орынбасары коронавирустың таралу жағдайына тоқталған еді. Елімізде желтоқсан айында қарашамен салыстырғанда коронавирус жұқтыру 2,3 есе артқан.
Фото: ortcom.kz