Зейнеткердің зорлық-зомбылық белгілері бар мәйіті қазан айының бас кезінде, өз үйінде табылған болатын. Пайдақұмарлық мақсатта адам өлтіргені үшін жәбірленушінің ауылдасы 37 жастағы әйел адам ұсталды.
Күдікті жәбірленушіден бұрын қарызға 8 мың теңге алғаны анықталды. Қарызын уақытында қайтара алмаған ол жәбірленушінің үйінде қонақта отырып, ұрыс-керіс кезінде оны соққыға жыққан. Алған дене жарақаттарынан кейуана сол жерде тіл тартпастан көз жұмған. Қазіргі уақытта аса ауыр қылмыс бойынша қылмыстық іс қозғалды.